Lichtschommel
hen
weerum
hen
weerum
met de veerman
van ’t licht
naor ’t duuster
en
weerum
ach veerman
nem ons met
aover den rivier
’t grieze lint
dat begint as ’n kind
en
ophölt in ‘n zee
van aovergave en grinnikwals
ophollen met nôlen
zie ons ’s grôlen
en weerum
naor ‘t duuster
samen op den
lichtschommel
en hup!
daor gao’w
naor ’t licht
vanaovond dans ik
zo uutbundig
as ’n nachtbrakende doolridder
zo
uutdagend dansen
dat mien eigeste schim
mien pas weer zut
’s margens in bed
© Jack Weijkamp (Dichter des Achterhoek)